விசுவாசத்தில் வாழ்க்கை ஊழியங்கள்

கைகளை தட்டி கரத்தரை துதிப்போம் (02 June 2014)



ஓசையுள்ள கைத்தாளங்களோடும் அவரைத் துதியுங்கள்; பேரோசையுள்ள கைத்தாளங்களோடும் அவரைத் துதியுங்கள். சுவாசமுள்ள யாவும் கர்த்தரைத் துதிப்பதாக. (அல்லேலூயா.) சங்கீதம் 150 : 5-6

நம்மில் அநேகர் ஆலயத்திற்கு சென்று கைகளை தட்டி ஆராதிக்கின்றோம். நாம் ஏன் கைகளை தட்டி ஆராதிக்கின்றோம். கைகளை தட்டுவதே ஒரு தனி குஷி தான் என்று நினைகின்றீர்களா?. மருத்துவ ஆய்வின் படி கைகளை தட்டினால் ஆரோக்கியமாக இருக்கலாம். சரி, கைகளை தட்டுவதால் கிடைக்கும் உடல்நல பயன்களைப் பற்றி இப்போது பார்க்கலாம்.

கைகளை தட்டினால் நரம்புகள் சீராக செயல்படும். இதயம், மூளை, நுரையீரல், கல்லீரல் போன்ற உறுப்புகளுடன் நரம்புகள் இணைய இது பெரிதும் உதவும். கைகளை தட்டுவதால், இதய நோய்கள் மற்றும் ஆஸ்துமா சம்பந்த பிரச்சனைகளுக்கு பெரிய தீர்வு கிடைக்கும். கைகளை தட்டினால் மன அமைதி கிட்டும். மேலும் இது உங்கள் உடலில் உள்ள இரத்தத்தின் வெள்ளையணுக்களை திடப்படுத்துவதால், உங்கள் நோய் எதிர்ப்பு சக்தி அதிகரிக்கும். இதனால் எவ்வகையான நோய்களில் இருந்தும் உங்கள் உடலை இது பாதுகாக்கும்.

கைகளை தட்டுவதால், குழந்தைகளின் ஆற்றல் திறனை அதிகரித்து அவர்களின் கல்வி சார்ந்த செயல் திறனை மேம்படுத்தும். அதனால் அவர்களின் கையெழுத்து அழகாகும், சிறப்பாக எழுத வரும், எழுத்துப்பிழையும் குறையும். கைகளை தட்டும் போது இரத்த ஓட்டம் ஊக்குவிக்கப்படும். அதனால் தமனி மற்றும் அசுத்த இரத்தக்குழாய்களில் உள்ள அடைப்புகள் அனைத்தும் நீங்கும். இதில் கெட்ட கொலஸ்ட்ரால் நீங்குவதும் அடங்கும்.

கைகளை தட்டுவதால் பல நன்மைகளை நாம் பெற்றுக்கொள்ளலாம். இஸ்ரயேல் மக்களின் பண்டிகை நாட்களின் ஆராதனையில் துவக்கமாக “ஓசையுள்ள கைத்தாளங்களோடும் அவரைத் துதியுங்கள்; பேரோசையுள்ள கைத்தாளங்களோடும் அவரைத் துதியுங்கள். சுவாசமுள்ள யாவும் கர்த்தரைத் துதிப்பதாக" என்ற இந்த 150வது சங்கீதத்தை பாடுவார்களாம். நாமும் கைகளை தட்டி கரத்தரை துதித்து பாடுவோம். நோய்களை விரட்டுவோம்.

கர்த்தர் தாமே உங்களை ஆசீர்வதிப்பராக. விசுவாசத்தில் வாழ்க்கை ஊழியங்கள்

http://www.vvministry.com/sms_email.html -- தினமும் உங்கள் E mail முகவரிக்கு கர்த்தருடைய செய்தியையும் வேத வசனத்தை உங்கள் மொபைலுக்கு SMS மூலமாகவும் பெற விரும்பினால் கொடுக்கபட்ட LINK-ல் உள்ள படிவத்தை நிரப்பவும்.

0 Response to " கைகளை தட்டி கரத்தரை துதிப்போம் (02 June 2014) "

Post a Comment